Kineziologija.mk кинезиолошка едукација , кинезиолошка рекреација, кинезитерапија и спорт !!!
Словенечкиот стратег Алеш Пипан е нов селектор на македонската кошаркарска репрезентација. Пипан, кој изминативе неколку месеци успешно го предводи шампионот МЗТ Скопје, ќе ги предводи „црвено-жолтите“ на Евробаскетот во Словенија во септември, откако со челниците на Македонската кошаркарска федерација (МКФ) постигна договор. Искусниот тренер, кој до пред неколку дена ја вршеше селекторската функција на Полска, на националното кормило го наследува Марјан Лазовски, кој го водеше македонскиот состав на Олимписките квалификации во Венецуела. Во текот на наредната седмица ќе биде закажана и прес-конференција на која Алеш Пипан официјално ќе биде презентиран како нов селектор на кошаркарската репрезентација на Македонија, а ќе биде претставена и деталната програма за подготовките и настапот на Евробаскетот 2013 година.
проф. Ангелче Гушев
