Home / Спортски настани / Спортски настани / Шундовски поднесе оставка

Шундовски поднесе оставка

Македонија ќе има нов ракометен селектор откако Звонко Шундовски денеска поднесе оставка од функцијата. Преку соопштение до медиумите, Шундовски вели дека го напушта селекторското место во интерес на репрезентацијата.
„Поднесувам неотповиклива оставка на селекторската функција на ракометната репрезентација на Македонија. Одлуката ја носам исклучиво во интерес на репрезентацијата. Селекторската функција ја прифатив во периодот откако им беше понудена на стратези со поголемо портфолио од моето. Јас верував во оваа генерација. Со селекцијата која ја направив исклучиво со македонски играчи и македонски стручен штаб, со најмакедонската селекција во сите спортови и на сите времиња, изборив пласман на Европско првенство 2012, освоив 5. место на ЕУРО 2012, изборив квалификации за Олимпијада, изборив учество на Светско првенство, обезбедив континуитет на големи натпреварувања. Создадов стабилна основа за нови успеси, кои оваа генерација играчи ги заслужуваат. Поискусна за две големи натпреварувања во континуитет, во овие моменти, репрезентацијата го достигнува својот максимум и е зрела за играње во завршниците на големите европски и светски натпреварувања и освојување на медали, кое му го препуштам на мојот наследник. Селекторската функција ја извршував за симболичен надомест, со голема љубов за мојата земја, а ме водеше желбата за нејзина промоција во Европа и светот. Кога се работи за својата земја, не постојат бариери и кочници и ние како репрезентација комплетно вложувајќи се многупати се надминувавме себеси. Им се заблагодарувам на претседателот на РФМ, РФМ, на репрезентативците и на стручниот штаб, за соработката. Горд сум на успесите кои заедно ги направивме. а Македонија ја направивме релевантен фактор во европскиот и светскиот ракомет. На македонската репрезентација во иднина и посакувам многу повеќе успеси и спортски радости“, пишува во соопштението на Шундовски.

 

 

 

проф. Ангелче Гушев

Leave a Reply

Your email address will not be published. Required fields are marked *

*

Download Premium Magento Themes Free | download premium wordpress themes free | giay nam dep | giay luoi nam | giay nam cong so | giay cao got nu | giay the thao nu