Kineziologija.mk кинезиолошка едукација , кинезиолошка рекреација, кинезитерапија и спорт !!!
Железо (Fe) е компонента на црвените крвни зрнца, кои се вклучени во транспортот на кислородот низ целото тело. Жените губат два пати повеќе железо од мажите и се со поголема веројатност да се дефицитарни, особено во бременоста. Пиење кафе рок од еден час може да ја намали апсорпцијата на железо од храната и до 80%.
Железото е важно за:
– Формирањето на хемоглобин и некои ензими
– Многу протеини и ензими кои го чуваат здравјето
– Транспорт на кислород во крвта до сите делови на телото
– Многу метаболички реакции и регулација на клеточното растење и диференцијација
– Имуна активност
– На правилното функционирање на црниот дроб и
– Заштита од активноста на слободните радикали
Извори на железо во храната
Железото кое го внесуваме преку храната, може да се подели во две групи. Првата се наоѓа само во животински ткива, а другиот во храната од растително потекло. Количината на железото апсорбирано од страна на различни видови храна се движи помеѓу 1 и 10% од растителната храна и 10-20% од храна од животинско потекло. Витаминот Ц ја зголемува апсорпцијата на железото. Добри извори на железо за вегетаријанци вклучуваат интегрални житарки, лиснато зелен зеленчук, мешункасти плодови, леќа, грав и сушено овошје. Вегетаријанците треба да посветат посебно внимание на дозата на железото, бидејќи степенот на апсорпцијата на железото од храната земјоделските култури незначително се пониски и треба да се удвои количината на истата храна во споредба со оние кои јадат месо. Исто така се препорачува земање витамин Ц, прво преку храна – на пример, цитрус кои ја подобруваат апсорпцијата. Кога станува збор за храна од животинско потекло, посебно се препорачува црвено месо.
проф. Ангелче Гушев
