Водење на топка

За да може еден ученик (играч) да успешно го усоврши водењето на топката во рамките на ракометната игра, ученикот треба да ги поседува следните барања:
– исклучителна физичка подготвеност
– добра работа на нозете и рацете
– добра реакција на топката – основни движења

Секогаш при водењето на топката треба да се внимава на :
– затворање на просторот за премин на топката
– затворње на просторот за премин на играчите
– движење кон топката (ланчана реакција)

Водење на топка
Тоа е движење на играчот со топка, при што топката се потиснува со дланката кон тлото. Кај водењето разликуваме три етапи: почеток, време и крај на водењето. Контролата на движењто на топката се обезбедува со правилно потиснување на топката и нејзино заштитување со телото во однос  на противникот. Според начинот на водење на топката разликуваме: водење со лева или десна рака, водење според бројот на отскокнувања на топката, ниско и високо – водење – според висината и отскокот на топката, според правецот  – водење напред назад и настрана, односот на топката и играчот – покрај себе  и пред себе. Водењето на топка може да биде праволиниски и криволиниски (цик – цак), водење на топка со вртење за 90 степени, водење на топка со трчање наназад и водење на топка со скокање

Методика на обучување на водењето на топка
1.Водење на топка со правилно потиснување и заштитување на топката со телото во однос на противникот
2.Ниско водење на топката на раздалеченост од 20-30 метри
3.Средно и високо водење на топката на различна раздалеченост
4.Водење напред, назад и настрана
5.Водење на топка пред себе и покрај себе
6.Водење на топка со менување на правецот на движење “цик – цак”
7.Водење на топка со трчање наназад   
( при самата обука се користи водење на топка со лева и со десна рака)

Грешки: недоволно потиснување на топката , удирање со дланката по топката, високо водење во близина на противничкиот играч, слаба контрола на играта во однос на просторот, недоволна сегментирана брзина на рацете, слаба брзина на реакција и недоволна агилност.

проф. Ангелче Гушев