Одбојкарите на ССОУ “Коле Неделковски“ обезбедија учество на државното првенство во Прилеп

По освојувањето на првото место во рамките на Општинската лига во одбојка за младици, екипата на ССОУ “Коле Неделковски“ – Велес,продолжи да се натпреварува во системот на натпревари кои ги организира Федерацијата на училишен спорт на Македонија, која на 24.2.2017 год. (петок) во спортската сала при  ООУ “Димитар Влахов“ во Штип го организираше регионалното натпреварување  во  одбојка (младинци)  на  кое што учество земаа победничките екипи од зоните на Струмица, Велес, Кочани и Куманово. Одбојкарската екипа на ССОУ “Коле Неделковски“ – Велес предводена од  м-р Ангелче Гушев во рамките на овој турнир преку натпреварите со средношколците од Струмица и  Пробиштип  успеа да се квалификува на завршните натпревари односно на државното првенство во одбојка кое треба да се одржи во периодот  од 02 – 04. 03. 2017 во Прилеп.