На 9ти Ноември – празникот на град Велес спортуваа и учениците и наставниците

Учениците од основните училишта од општината Велес, но и наставниците од основните и средните училишта на 9.11.2015год. (понеденик) во Спортската сала при ООУ “Блаже Конески“ во Велес го покажаа нивното знаење во неколку спортски дисциплини.Се натпреваруваа во футсал, пинг-понг, пикадо и шах.  На натпреварите во машка и во женска конкуренција учествуваа повеќе од стотина учесници. Прво се натпреваруваат учениците во футсал, потоа следува натпреварот на наставниците, а во истовреме се одвиваат и натпреварите во индивидуалните спортови. Организатор на овие спортски натпревари беа Сојузот на училиштен спорт, од каде истакнаа дека се многу задоволни од одзивот. Планирано е ова да стане традиција во наредните години. Ако интересот продолжи на ова ниво ќе се воведат и други спортови.  Оваа иницијатива е доста прифатена од наставниците од основното и средното образование.

м-р Ангелче Гушев