Лепакот за ракометна игра заминува во историјата

Меѓународната ракометна федерација најавува донесување на одлука со која ќе се забрани употребата на лепак за топка при играње на ракометната игра. Светската ракометна организација веќе подолго време тестира топка која што при нејзиното користењето од страна на ракометните играчи истата ќе може да се контролира без употреба на стандардниот лепак, кој досега беше користен од страна на ракометните екипи. За изработката на новата топка контактирана е компанијата Молтен, која што во развојот на гореспоменатата топка како производ ќе инвестира повеќе од милион долари, а треба да се нагласи дека и Молтен го приведува до крај производството на овој вид на топка која што треба да заживее најкасно до крајот на 2017 година.
Коистењето на лепакот преставува проблем. Прво не е здраво за ракометарите, многу спортски сали ширум светот не дозволуваат користење на лепакот поради неопходното чистење после натпреварот, што носи дополнителни трошоци, но и заради фактот што лепакот ги уништува подовите во спортските сали. Понатаму бојата на топката која што е карактеристична за секој поголем спортски настан (ЛОИ, СП, ЕП), видлива е само во првите пет минути се додека не се препокрие со лепакот нанесен од страна на играчите и на крај некои родители не дозволуваат на своите деца играње ракомет поради користењето на лепакот. Веднаш по лансирањате и дистрибуирањето на спометатата топка од страна на Молтен, ќе биде донесено правилото за забрана на користење на лепак. Тоа треба да се случи на ИХФ Конресот во 2017 година. Правилото би важело и би било обврзувачко за сите нивоа на натпревари ширум светот.

м-р Ангелче Гушев