Тестови за проценка на експлозивната сила

Тестовите се средство за прибирање на информации со чија помош може да се планираат идните активности и врз основа на кој се носат одлуки. Тестовите се неопходни при програмирањето на тренажниот процес и контролата на учениците и спортистите при реализација на одредена програма. Без редовни тестирања на кондициската подготвеност тешко може да се управува со тренажниот процес.

 

Тест бр. 1  30 МЕТРИ СПРИНТ

Цел на тестот:

– -да се одреди забрзувањето (експлозивна сила)

– -да се одреди максималната брзина на трчање

– -да се процени брзината на реакција

Средства за реализација на тестот:

– – рамна, сува, тревната подлога со должина од 30 метри

– – опрема за мерење на време

– – два чуња

Постапка на реализација:

– – ги поставуваме двата чуња на растојание од 30 метри

– – испитаникот ја завзема стартната положба пред првиот чуњ (може низок, а може и висок старт. За сите испитаници се користи еден вид на стартна позиција)

– – на даден сигнал се истрчуваат 30 метри  со максимална брзина

– – се мери времето

– – следи одмор до потполно опоравување од напрегањата

– – тестот се повторува 3 пати

– – се евидентира најдобриот резултат

Години на возраст	Време
9	6,28
10	5,52
11	5,23
12	5,12
13	4,71
14	4,65
15	4,45
16	4,33
17	4,30
18 и повеќе	4,28

 

Тест бр. 2 СКОК ОД МЕСТО ВО ДАЛЕЧИНА

Цел:

– – мерење на експлозивна сила

Средства за реализација на тестот:

– – рамна, сува, тревната подлога со должина од 4 до 5 метри

– – мерна лента

Постапка на реализација:

– – испитаникот стои на означеното место со раширени нозе

– – колениците се свиени, замавнуваме со рацете за да обезбедиме што подолг скок

– – скокаме и доскокнуваме со обете нозе

– – тестот се реализира три пати

Тест: Скок од место во далечина
Оценка:	Лошо	Под просек	Просечно	Добро	Одлично
Должина:	<2,0 м	2,3 м	2,5 м	2,7 м	3,0 м

 

Тест бр. 3 СКОК ВО ВИСОЧИНА

Цел:

– – мерење на експлозивна сила

Средства за реализација на тестот:

– – висок ѕид, столб

– – креда, маркер

– – мерна лента

Постапка на реализација:

– – ја подигнуваме раката која што е поблиска до ѕидот,  а стопалата се на подот. Ја запишуваме оваа висина

– ги свиваме колената, замавнуваме со рацете и скокаме во вис што е можно по високо

– – во највисоката точка на дланката или пак прстите удираме на ѕидот

– – се мери разликата на одбележаната висина

– – тестот се реализира три пати

Тест: Скок во височина
Оценка	Лошо	Под просек	Просечно	Добро	Одлично
Висина	<46 см	50 см	55 см	60 см	>65 см

 

Висината на скокот може да биде пресметана и во сила, според следната формула:

сила = телесна тежина x  4,9  x висина на скок во m²

 

 

 

проф. Ангелче Гушев