Одбојкарите на ДСУ РЦСОО “Коле Неделковски“ од Велес први на зонските натпревари во организација на ФУСМ

На 20.11.2024 год. (среда) во Спортската сала во Гевгелија во организација на Федерација на училишен спорт на Македонија (ФУСМ), се одиграа зонските натпревари во одбојка (машки) за средни училишта – ЗОНА ВЕЛЕС.

По одигрувањето на финалниот натпревар со СОУ Гоце Делчев“ од Валандово  најдобра беше екипата на ДСУ РЦСОО “Коле Неделковски“ од Велес која победи со 2:0 и истата продолжува на регионалните натпревари. Екипата на ДСУ РЦСОО “Коле Неделковски“ од Велес ја предводеше професорот по спорт и спортски активности м-р Ангелче Гушев.

За екипата на ДСУ РЦСОО “Коле Неделковски“ настапија: Давид Николов 3-7, Дарко Жабев 3-6, Драган Ставрев 2-1, Бојан Анишиќ 3-6, Петар Неделчев 3-5, Матеј Амбарков 2-7 клас, Лука Пановски 2-8 клас и Стефан Димовски 1-8 клас.