XXII Симпозиум за спорт и физичко образование на младите

Во организација на Федерација на спортски педагози на Република Македонија во периодот 4-5 октомври 2019 година во хотел Дрим во Струга се одржа XXII Симпозиум за спорт и физичко образование на младите. Како партнери на  Федерација на спортски педагози на Република Македонија во организација на овој симпозиум беа и Агенцијата за млади и спортс, Сојуз на спортски федерации, Македонски Олимписки комитет и Здружението “Аргументум“. На овој симпозиум како учесници од страна на ССОУ “Коле Неделковски“ беа професорите Леонид Таневски, Златко Здравковски и м-р Ангелче Гушев.

Присутните на Симпозиумот ги поздрави и Директорот на Агенцијата за млади и спорт, г-дин Дарко Каевски, поранешниот премиер проф. Д-р Владо Бучковски и претседателот на ФСПМ , Гордан Стојчевски.
Основна тема на кој се работеше на  симпозиумот беа: Состојби, предизвици и перспективи на физичкото образование, спортот и рекреацијата. Беа организирани и две работилници на следните теми:

1. Основни правни аспекти на спортот
2. Квалитетно физичко образование во основното образование : актуелни проблеми и можни решенија.

Со следните поттеми:

• Физичкото образование и спортот во образовниот систем
• Компетенции , едукација и професионален развој на кадрите
• Физичко образование и спорт за здрав и активен живот, активни заедници и промоција на здравјето
• Холистички пристап и учење преку физичкото образование
• Инклузивно физчко образование
• Физичка подготовка и спортот во одбраната и безбедноста
• Педагошки, психолошки и социолошки аспекти на физичкото образование, спорт и рекреацијата
• Спортско право
• Спортски менаџмент
• Спортски туризам
• Современи пристапи во спортскиот тренинг
• Спортски повреди и рехабилитација.

На овој  Симпозиум беа присутни еминентни академски професори по спорт, кинезиологија и методика од Бугарија, Србија, Хрватска, Црна гора и Романија.

м-р Ангелче Гушев