Kineziologija.mk кинезиолошка едукација , кинезиолошка рекреација, кинезитерапија и спорт !!!
Улогата на кофеинот во однос на спортистите е контроверзна. Повеќето од податоците се контрадикторни, но има некои работи со кои истражувачите се на едно мислење. На пример: кофеинот не помага при вежби со висок интензитет (спринт), но ја подобрува продуктивноста во спортовите за издржливост (тренинг со тежини). Кофеинот се апсорбира во желудникот и цревата и неговите максимални нивоа во крвта се јавуваат околи 45-60 минути по внесувањето. Откако ке навлезе во крвотокот, кофеинот предизвикува низа физиолошки ефекти. На пример, тој го зголемува крвниот притисок, пулсот и прозиводството на желудочната киселина.
Каде и колку е застапен во производите:
1 шолја инстант кафе: 100 mg
1 шолја филтер кафе: 140mg
1 шолја зелен чај: 30-60 mg
1 лименка на кока кола: 40 mg
1 лименка енергетски пијалак: 80 mg
50гр темна чоколадо: околу 50 mg
50гр млечно чоколадо: околу 25 mg
Истражувањата покажаа дека кога станува збор за спорт, кофеинот делува на следниов начин:
• Го ублажува заморот;
• Го забавува разградувањето на мускулниот гликоген, тоа значи дека телото има повеќе “гориво”;
• Ја зголемува издржливоста;
• Ја подобрува концентрацијата;
• Ја намалува болката во мускулите после тренинг;
• Може да го намали чуството на напор на оние кои се занимаваат со спорт и да се чуствуваат поудобно.
Негативни ефекти
Бидејќи кофеинот го зголемува производството на желудечна киселина, тој може да ги влоши симптомите на чир. Покрај тоа, тој е стимулант и има несакани ефекти, кои кај некои луѓе може да предизвикаат:
• Често мокрење
• Стомачна подуеност
• Треперење
• Проблеми со сонот
• Растревоженост
• Главоболка
• Гадење
Според неодамнешна студија, зголемениот внес на кофеин (повеќе од 5 чаши дневно), го зголемува ризикот од кардиоваскуларни болести, но нема докази дека кофеинот предизвикува рак или сериозни срцеви аритмии.
Препораки за спортисти
– Пијте кофеин околу 1-2 часа пред почетокот на тренингот.
– Имајте на ум дека кофеинот е диуретик и може да ве прекине во тренингот за да прошетате до тоалетот. Ова би можело негативно да влијае на вашите спортски напори и да го намали нивото на хидратација во вашиот организам.
проф. Ангелче Гушев
