Влијанието на новите правила во ракометната игра

Правилата кои службено беа воведени на ЛОИ во Рио 2016 година, не влијаеја на промената на брзината на играта , а не влијаат ни врз атрактивноста и јачината на играта. Ако се набљудуваат голем број на сегменти видливо е дека игра дополнително се успори и се пасивизираше. Ова посебно се докажуава во текот на играта 7 на 6 и со правилото на 6 додавања во текот на пасивна игра (6 додавања понекогаш траат отколку цел напад). Игра 7 на 6 ја играат послабите и поинфериорни екипи, па ова правило не го прави ракометот атрактивен и модерен.
Сепак се отворија и тактички можности во играта со играч помалку кои кај добро тренираните екипи може да се анулира бројната предност на противникот па и кај нападот на длабоките зонски одбрани. Тој сегмент на игра треба да очекува напредок на ова СП во Франција 2017..
Видео судењето е интересен концепт кои веќе е виден во други спортови , но со значаен недостаток , во ракометното право на видео судење имаа само судиите и делегатите на ИХФ, наместо тренерите или официјалните лица на репрезентациите. Во целост новите правила воопшто не влијаат на атрактивноста на игра како и на можноста на судиска пристрасност во креирање на динамичка игра и резултат. Сегашните правила не се главен потик за креативност на тренерите и играчите. Воведувањата на ограничување на нападот е нужно и неминовно.

м-р Ангелче Гушев