Kineziologija.mk кинезиолошка едукација , кинезиолошка рекреација, кинезитерапија и спорт !!!
Оваа салата која ја предлагаме е ниско калорична и може да се јаде без оптеретување. За овој вид на салата ни е потребно 200 гр. сирење, 80 гр. краставица, 30 гр. маслинки, 300 гр. ситни интегрални макарони. Покрај ова потребно ни е и малку сол, малку црн пипер, 200 мл. оцет, 2 лажици маслиново масло, малку магдонос и босилок, 2 чешлиња лук, 200 гр. домати и 300 гр. свинско месо.
Начин на подготовка:
1) Ставете ги тестенините да се варат, но не заборавајте во водата да се стави малку сол. Штом се сварат, задолжително измијте ги со ладна вода за да не се распаднат и процедете ги.
2) Свинското месо исечете го на лентии ставете го малку на скара. Не зачинувајте гопремногу и исецкајте го на коцки.
3) Во длабок сад за салата ставете ги сите состојки, исецканото месо, краставицата, тестенините, маслинките, доматите и сирењето.
4) Посебно во шолја, измешајте неколку лажици маслиново масло со оцет, лук, сол, црн пипер, босилок. Полијте ја салатата и убаво промешајте.
Неопходно е да салатата да отстои барем половина час за убаво да се олади и плус намирниците да ги пиштат своите сокови. Ако не сте љубители на свинско месо, ставете пилешко. Оваа салата која е за шест лица се подготвува за 30 минути и има 184 kcal/по порција и содржи 5 % витамин А, 14 % витамин С, 7 % калциум, 7 % железо, 6,7 гр. протеини.
проф. Ангелче Гушев
