ССОУ “Коле Неделковски“ го одбележа меѓународниот ден на спортот

Под мотото “Здравјето пред се“ на 6.4.2023 год. (четврток) педесет ученици од ССОУ “Коле Неделковски“ од Велес го одбележа 6ти Април,  Меѓународен ден на спортoт и мир, како и по повод 7ми април,  Светски ден на здравјето, ССОУ ,, Коле Неделковски”  заедно со VELES BIKING и во соработка со МВР Велес како и  наставници и ученици од основните училишта, имавме заедничко  дружење и споделување на искуства за возење велосипед. Активностите се реализираа на специјализираната велосипедска патека за спретсно велосипедско возење “PUMPTRACK“ и патеката во градскиот парк.

На оваа активност беше презентирана Резолуцијата на Генералното Собрание на Обиденетите нации преку која овој ден 6 Април е прогласен за Меѓународен ден на спортот и мирот. Беше искажано дека преку спортот се манифестираат и највредните особини кај луѓето, како што е истрајноста , дисциплината и личниот интегритет и фер плејот.

Во разговорите со учениците беше истакнато дека спортот има единствена моќ за сплотување на сите луѓе во светот и тој е моќно средство за постигнување на мир во светот. Спортот ги поврзува лугето , а етничките, верските и економските поделби под влијание на спортот паѓаат во сенка заедно со сите предрасуди и недорабирања. Беше истакнато дека редовната физичка активност и играта како средство се неопходни за физичкиот, менталниот, социјалниот и психолошкиот развој на младите.

На оваа активност беа преставени и активностите на училишниот спортски клуб “Коле Неделковски“ – УЗУС и неговите програмски активности , а воедно беа и разгледани сите можности за вклучување на сите ученици при нашето училиште во организирано планинарење, престој во природа и велосипедизам и организација на турнирски натпревари во футсал, кошарка, ракомет и одбојка помегу класовите на ниво на сите четири генерации во училиштето.

Ученици од угостителската струка придонесоа за денешниот  настан да биде едно цело со вкусна свежа лимонада и јаболка како симбол на здрав живот со што докажавме дека ССОУ  “Коле Неделковски” е училиште со здрава иднина.

м-р Ангелче Гушев