Kineziologija.mk кинезиолошка едукација , кинезиолошка рекреација, кинезитерапија и спорт !!!
Омилениот медитерански плод и незаменлива состојка на медитеранските јадења, покрај уникатниот вкус, го красат и совршена комбинација на витамини и минерали. Затоа маслинките се користеле како лек уште од античко време и се верува дека лекува дури 60 видови болести. Поради високата содржина на витамин Е, маслинките се класифицирани како важен антиоксиданс.
Покрај тоа, тие содржат многу хранливи и лековити материи, како што се витамин Ц, Д, А, К, растителни масти, протеини, бета-каротен, ензими, незаситени масни киселини, омега-3 киселина, олеуропеин, олеинска киселина, стеаринска киселина. палмитинска киселина, хлорофил, флавоноиди, фитостероли, железо.
Ова е причината зошто маслинките се сметаат за најздраво и најлековито овошје на Медитеранот.
Подобрување на меморијата. Маслинките содржат полифеноли, супстанции кои го намалуваат оксидативниот стрес во мозокот. Секојдневното консумирање маслинки ја подобрува меморијата за дури 25 проценти.
Дава енергија. Една шолја маслинки содржи 4,4 милиграми железо. Железото помага во синтезата на карнитин, амино киселина која ги трансформира мастите во енергија. Покрај тоа, железото го зголемува нивото на хемоглобин во крвта. Ги намалуваат брчките. Маслинките ги намалуваат брчките за 20 отсто, бидејќи содржат олеинска киселина. Оваа мононезаситена Омега-9 масна киселина ја одржува кожата мека и здрава. Маслинките содржат и витамин Е, кој го подобрува здравјето на кожата.
Спречете ги кардиоваскуларните болести. Поради содржината на масни киселини, маслинките го регулираат нивото на холестерол и триглицериди, спречувајќи ги овие штетни материи да се таложат во крвните садови. На овој начин маслинките ги штитат и зајакнуваат артериите, а спречуваат и многу здравствени проблеми поврзани со кардиоваскуларниот систем.
Го намалуваат воспалението и болката. Поради присуството на антиоксиданси, маслинките делуваат како средство за ублажување на болката и намалување на воспалителните процеси во организмот.
Антиоксидативно и антиинфламаторно дејство на маслинките, благотворно делува на организмот, ги елиминира токсините од телото и се бори со слободните радикали, а со тоа ги штити клетките од малигни заболувања.
Намалете ги алергиите. Вклучете ги маслинките во вашата секојдневна исхрана, бидејќи на тој начин можете да ја зголемите отпорноста на организмот на разни алергии, или да ги ублажите нивните симптоми.
Ги штитат очите. Една шолја маслинки ја содржи препорачаната дневна доза на витамин А, кој е неопходен за одржување на здравјето на очите, и за подобар вид, особено ноќен вид. Маслинките штитат од глауком, катаракта и други очни болести кои се јавуваат во староста, пренесува Б92 .
м-р Ангелче Гушев
