Истрајноста и моќната концентрација на Дражен Петровиќ

После анализата на еден индивидуален шутерски тренинг на феноменалниот Дражен Петровиќ, неговиот тренинг може да се опише со следната содржина. Неговиот шаблон на тренинг изгледал вака: дриблинг и продор со полагање на кош и постигнување на 50 кошеви, потоа 20 погодени слободни фрлања, 50 погодени тројки и 20 погодени кошеви од различни позиции и дистанци. Потоа трчање на една делница – едно кошаркарско игралиште и тоа десет пати повторување на споменатата делница. Потоа иста задача на шутирање на кош споменато на почетокот од тренингот, а потоа десетина кратки спринтерски делници. На крај работи по 150 до 200 стомачни и тоа во серија од по 20 . Потоа следува шутирање на кош 50-20-50-20. Ако се собере севкупно, тоа би било 200 погодени шутеви за два поени и 136 тројки и тоа со прецизност од 80 %, а можела прецизноста да достигне и до 90 %, и тоа е некаде околу 700 исфрелени топки. Кога би работел групен тренинг со своите соиграчи, тој исфрлал по 200 топки, а тоа дневно доаѓало и до 900 шутеви. Оваков вид на тренинг бил понуден и на Галис и на повеќемина професионални играчи , но не можеле да го финализираат тренингот од причина што ја немале моќта на концентрација која што ја поседувал Дражен.

м-р Ангелче Гушев