Тестови за кондициска подготовка во кошарката

За да ја процениме физичката подготовка на играчите во кошаркарската игра  треба ги реализираме следните специфични тестови кои ги проценуваат моторичките способности на кошаркарите во тимот, а тоа се:

–    Тест 20 јарди
Проценка на агилноста, експлозивна сила од типот на стартно забрзување, брзина на движење во кошаркарски став, динамичка рамнотежа

–    NBA Agility тест
Проценка на агилноста, експлозивна сила од типот на стартно забрзување, брзина на движење во кошаркарски став, промена на насока на движење, динамичка рамнотежа

–    Тест Спринт 20 метри или тест спринт  ¾ од кошаркарскиот терен
Проценка на стартно забрзување, експлозивна сила од типот на спринт

–    Водење на топка со промена на насоката на движење и рака на водење на топка ( 10м. + 10 м.)
Проценка на агилноста со свртување (180 °) со топка

–    Repeated Basketball Agility Test (RAST но со агилност)
Проценка на експлозивна сила од типот на спринт, агилност со промена на насоката на движење. Проценка на компонентите со гликолитичен енергетски состав

–    Тест 300 ѕарси или 300 м.
Проценка на експлозивна сила од типот на спринт, агилност со промена на насоката на движење. Проценка на компонентите со гликолитичен енергетски состав

–    Самоубиство (со топка и без топка)
Проценка на експлозивна сила од типот на стартно забрзување, агилност со промена на насоката на движење. Проценка на компонентите со гликолитичен енергетски состав и проценка на агилноста со свртување со топка

–    Вертикален скок
Проценка на експлозивна сила од типот на отскочност

–    Фрлање на топка од седење
Проценка на експлозивна сила од типот на фрлање и техничко исфрлање

–    100 шутирање на “тројка“ или “двојка“ (10х10)
Проценка на прецизноста на шутот за 2 или 3 поени

м-р Ангелче Гушев